اسلام آباد – 08 مئي (اي پي پي) اطلاعات ۽ نشريات واري وزير ۽ پائيدار ترقي جي هدفن (ايس ڊي جيز) پارلياماني ٽاسڪ فورس جي ڪنوينر مريم اورنگزيب چيو آهي ته پارليامينٽ کي ڪجهه اصول طئي ڪرڻا پوندا جن تي عمل ڪندي مذهب، صحت ۽ تعليم تي سياست نه ٿئي، صحت، تعليم، موذي مرضن کان بچڻ جي لاءِ پنجاب، ڪي پي ڪي جا ٽاسڪ فورسز فعال ڪردار ادا ڪري رهيا آهن. هو پائيدار ترقي جي هدفن (ايس ڊي جيز) جي پارلياماني ٽاسڪ فورس جي اجلاس کي خطاب ڪري رهي هئي.