ڪالا شاهه ڪاڪو – 25 مئي (اي پي پي) وزيراعظم شاهد خاقان عباسي چيو آهي ته پاڪستان مسلم ليگ (ن) گذريل پنج سالن دوران ملڪ جي تعمير ۽ ترقي جي لاءِ بي مثال ڪم ڪيا آهن، اندروني، ٻاهرين ۽ سرحدي چئلينجز کي منهن ڏنو ۽ ترقي جو سفر به جاري رکيو، اسان جا بدترين مخالف به ان ڳالهه تي يقين رکن ٿا ته اسان جي پنج سالن ۾ هر شعبي ۾ رڪارڊ ترقي ٿي آهي، پورو يقين آهي ته اسان جي ملڪ ۽ قوم جي خدمت کي نظر ۾ رکندي عوام هڪ دفعو ٻيهر ايندڙ چونڊن ۾ محمد نواز شريف ۽ پاڪستان مسلم ليگ (ن) کي وڏي اڪثريت سان ڪامياب ڪرائيندي، جيڪا حڪومت ڪي پي ڪي ۾ پنج سالن ۾ انقلاب نه آڻي سگهي اها 100 ڏينهن ۾ ڪهڙو انقلاب آڻيندي. اهڙن خيالن جو اظهار هن ڪالا شاهه ڪاڪو ۾ اماميه ڪالوني ريلوي ڪراسنگ شاهدره تي 6 لائين واري اوورهيڊ برج جو سنگ بنياد رکڻ جي تقريب کي خطاب ڪندي ڪيو.
