اسلام آباد – 24 مئي (اي پي پي) قومي اسيمبلي فاٽا کي خيبرپختونخوا ۾ ضم ڪرڻ جي حوالي سان 31 هين آئيني ترميم جي ٻه ڀاڱي ٽي اڪثريت سان منظوري ڏئي ڇڏي آهي جنهن تحت خيبرپختونخوا اسيمبلي ۾ فاٽا جون 16 عام، عورتن لاءِ 4 ۽ اقليتن لاءِ هڪ سيٽ مخصوص ڪئي وئي آهي، فاٽا ۾ صوبائي اسيمبلي جو اليڪشن عام چونڊن 2018ع کانپوءِ هڪ سال جي اندر ڪرايو ويندو. قانون واري وزير محمود بشير ورڪ 31 هين آئيني ترميم بل 2018ع کي غور هيٺ آڻڻ جي رٿ ايوان ۾ پيش ڪئي.