اسلام آباد – 24 مئي (اي پي پي) وزيراعظم شاهد خاقان عباسي چيو آهي ته وفاق جي انتظام هيٺ قبائلي علائقا (فاٽا) کي خيبرپختونخوا ۾ ضم ڪرڻ جي باري ۾ بل ڪنهن ٻاهرين دٻاءُ سبب نه پر سياسي پارٽين جي وچ ۾ اتفاق راءِ کانپوءِ قومي اسيمبلي مان منظور ٿيو آهي، ڪي پي ڪي سان فاٽا جو انضمام پاڪستان مسلم ليگ (ن) جي منشور جو حصو رهيو آهي، مسلم ليگ (ن) نه ته پهرين ڪڏهن چونڊن جو بائيڪاٽ ڪيو ۽ نه ئي آئنده ڪندي، هو وزيراعظم آفيس ۾ پريس ڪانفرنس کي خطاب ڪري رهيو هو، اطلاعات ۽ نشريات واري وفاقي وزير مريم اورنگزيب، سيفران وارو وفاقي وزير ليفٽيننٽ جنرل (ر) عبدالقادر بلوچ، قانون وارو اڳوڻو وزير زاهد حامد ۽ فاٽا مان قومي اسيمبلي ميمبر شاهه جي گل آفريدي به ساڻس گڏ هئا.
