اسلام آباد – 12 مئي (اي پي پي) خابرو ادارن جي عالمي ڪانفرنس ۾ شرڪت ڪندڙ پرڏيهي نمائندن ميڊيا خاص طور تي خابرو ادارن کي درپيش چئلينجن تي غور فڪر جي لاءِ مختلف ملڪن جي ميڊيا شخصيتن جي ڪانفرنس منعقد ڪرڻ جي حوالي سان قومي خابرو اداري ايسوسيئيٽيڊ پريس آف پاڪستان (اي پي پي) جي قدم کي ساراهيو آهي. اڄ 13 مئي تي شروع ٿيندڙ ڪانفرنس جو موضوع پاڪستان جي ميڊيا: موقعا ۽ چئلينجز آهي جنهن ۾ خابرو ادارن کي اڀرندڙ پيشيواراڻن چئلينجن تي ڌيان ڏنو ويندو. نمائندن ڪالهه ڇنڇر ڏينهن اي پي پي هيڊڪوارٽرز جو دورو ڪيو ۽ اداري جي مئنيجنگ ڊائريڪٽر مسعود ملڪ سان گڏيل خيالن جي ڏي وٺ جي مختصر ويهڪ ڪئي.