اسلام آباد – 31 مئي (اي پي پي) صدر ممنون حسين 15 روزي جي افطاري يتيم ٻارن سان گڏ ڪئي. ان سلسلي ۾ سڄي ملڪ مان يتيم ٻارن کي ايوان صدر ۾ دعوت ڏني وئي هئي، صدر ٻارن سان رلي ملي ويو ۽ کين پيار ڪيو، ان موقعي تي خطاب ڪندي هن چيو ته يتيم ٻارن جي ڀلائي جي حوالي سان پاڪستاني معاشرو ۽ حڪومت پنهنجي ذميدارين کان آگاهه آهن ۽ ان سلسلي ۾ ڀرپور قدم کنيا پيا وڃن ته جيئن هو معاشري ۾ فعال ڪردار ادا ڪري سگهن. ايوان صدر ۾ يتيم ٻارن جي اعزاز ۾ ڏنل ان افطار پارٽي ۾ ترڪ ڪوآپريشن اينڊ ڪوآرڊينيشن ايجنسي جي ڪنٽري ڊائريڪٽر مهمت ايمري ۽ پاڪستان آرفن ڪيئر فورم جي چيئرمي ميان عبدالشڪور شرڪت ڪئي.