اسلام آباد – 14 مئي (اي پي پي) خابرو ادارن جي عالمي ڪانفرنس انٽرنيشنل فورم آف نيوز ايجنسيز (افنا) قائم ڪرڻ جو فيصلو ڪيو آهي، جڏهن ته پاڪستان کي ان فورم جو پهريون سربراهه چونڊيو ويو آهي، قومي خابرو اداري اي پي پي ان جي سيڪريٽريٽ طور فرض سرانجام ڏيندو جڏهن ته ميمبر ملڪن جي خابرو ادارن جي وچ ۾ خبرن، تصويرن ۽ وڊيوز جي مٽاسٽا لاءِ ويب پورٽل جوڙيو ويندو، ان فورم جي فعاليت لاءِ پاڪستان سميت 5 رڪني ڪميٽي پڻ قائم ڪئي وئي آهي. اي پي پي جي اهتمام هيٺ 13 ۽ 14 مئي تي ٿيندڙ خابرو ادارن جي ٻن ڏينهن واري عالمي ڪانفرنس پڄاڻي تي پهتي.
