اسلام آباد – 13 مئي (اي پي پي) قومي خابرو اداري ايسوسئيٽيڊ پريس آف پاڪستان ۽ چائنا ڊيلي ملٽي ميڊيا جي وچ ۾ خبرن جي مٽاسٽا ۽ چين ۽ پاڪستان ۾ وڌ کان وڌ اطلاعن تائين پهچ لاءِ سهڪار وڌائڻ جي حوالي سان هڪ معاهدو طئي ٿي ويو آهي جنهن تحت ٻئي ادارا هڪٻئي کي اطلاعن تائين پهچ جي حوالي سان هر ممڪن تعاون فراهم ڪندا. ان سلسلي ۾ گذريل ڏينهن اي پي پي جي مينيجنگ ڊائريڪٽر مسعود ملڪ ۽ ڊيلي ملٽي ميڊيا چين جي ڊپٽي ايڊيٽر انچيف لائي چي لي جي وچ ۾ اي پي پي هيڊڪوارٽر ۾ معاهدي تي صحيحون ٿيون.