اسلام آباد – 09 مئي (اي پي پي) قومي خابرو اداري ايسوسيئيٽيڊ پريس آف پاڪستان جي اهتمام هيٺ 2 ڏينهن واري عالمي ڪانفرنس آف نيوز ايجنسيز (آءِ سي اين اي) 13 مئي کان وفاقي گادي واري شهر اسلام آباد ۾ شروع ٿيندي جيڪا عالمي دنيا ۾ پاڪستان جي اعتدال پسند تشخص پيش ڪرڻ جي لاءِ پاڪستان جي امن ڪوششن کي اجاگر ڪرڻ ۽ عالمي سطح تي حصيداري کي وڌيڪ فروغ ڏيڻ ۾ مددگار ثابت ٿيندي. پاڪستان جي 70 هين آزادي جي ڏهاڙي جي تقريبن جي مناسبت سان منعقد ٿيندڙ اها ڪانفرنس 1990ع کانپوءِ پنهنجي نوعيت جي ٻي ڪانفرنس هوندي جنهن ۾ پنهنجي قيام کانپوءِ سفر کي نمايان ڪرڻ ۽ موجوده ڊجيٽل دور ۾ ٻاهرئين دنيا سان ٻطرفن لاڳاپن کي وڌيڪ سگهه ڏيڻ کي اجاگر ڪيو ويندو.
