نوان صوبا ٺاهڻا آهن ته اهي فاٽا وانگر قومي اتفاق راءِ سان ٺهندا: وزيراعظم

ڪوٽ مٺن – 26 مئي (اي پي پي) وزيراعظم شاهد خاقان عباسي چيو آهي ته نوان صوبا ٺاهڻا آهن ته اهي فاٽا وانگر قومي اتفاق راءِ سان ٺهندا، سياسي پارٽيون ۽ قيادت قوم جي سامهون آهي، قومي اتفاق راءِ سان سمورن مسئلن جو حل ڪڍڻ گهرجي، قومي اتفاق راءِ حاصل ڪرڻ سياستدانن جو ڪم آهي. وزيراعظم اهڙن خيالن جو اظهار راجن پور جي علائقي ڪوٽ مٺن ۾ اين 55 ۽ اين 5 کي ملائڻ واري پل جو افتتاح ڪرڻ کانپوءِ تقريب کي خطاب ڪندي ڪيو.