اسلام آباد – 09 اپريل (اي پي پي) صدر ممنون حسين چيو آهي ته پي ايس ايل ٽورنامينٽ کي پاڪستان ۾ عالمي ڪرڪيٽ جي واپسي جو ڪريڊٽ وڃي ٿو، پي ايس ايل سان قومي ڪرڪيٽ کي تمام گهڻو فائدو ٿيو، پي ايس ايل منعقد ڪرڻ سان دهشتگردي کي شڪست ٿي ۽ امن کٽي ويو، عوام جي ڀرپور شرڪت سان دنيا کي هي پيغام ويو آهي ته پاڪستاني پرامن ۽ راندين سان محبت ڪندڙ ماڻهو آهن، هن اها ڳالهه ايوان صدر ۾ پي ايس ايل جي فاتحه ٽيم ۽ سندس مينيجمينٽ سان ڳالهائيندي چئي جنهن سيد علي رضا نقوي جي قيادت ۾ ساڻس ملاقات ڪئي. صدر چيو ته ڪرڪيٽ جي بحالي سان راندين جي صنعت کي به فروغ ملندو.
