APP47-03 ISLAMABAD: April 03 - Prime Minister Shahid Khaqan Abbasi presenting a souvenir to David Beasley, Executive Director of UN World Food Program at PM Office. Chairperson BISP Ms. Marvi Memon is also present. APP

اسلام آباد – 03 اپريل (اي پي پي) وزيراعظم شاهد خاقان عباسي سان گڏيل قومن جي خوراڪ جي عالمي اداري جي ايگزيڪيٽو ڊائريڪٽر ڊيوڊ ايم بيسلي وزيراعظم آفيس ۾ ملاقات ڪئي. بينظير انڪم سپورٽ پروگرام جي چيئرپرسن ماروي ميمڻ به ان موقعي تي موجود هئي. ان سان ڳالهائيندي وزيراعظم چيو ته پاڪستان خوراڪ جي عالمي اداري سان ڊگهي عرصي کان ڳنڍيل آهي ۽ خوراڪ جي عالمي اداري ۾ ان کي منفرد امداد ملڻ جو درجو حاصل آهي ۽ پاڪستان موجوده امداد ۽ بحالي جي ڪاررواين لاءِ 5 ڪروڙ ڊالر ادا ڪري رهيو آهي، وزيراعظم خوراڪ جي عالمي اداري جي ايگزيڪيٽو ڊائريڪٽر کي مبارڪباد ڏني ۽ سڄي دنيا ۾ پنهنجي مقصدن کي حاصل ڪرڻ لاءِ عالمي اداري جي ڪوششن کي ساراهيو.