بهاولپور – 14 اپريل (اي پي پي) وزيراعظم شاهد خاقان عباسي چيو آهي ته سرائيڪي علائقي جي عوام سدائين وفاداري ڪئي آهي ۽ سياست ۾ به انهن ماڻهن جو ساٿ ڏنو آهي جن علائقي ۽ پاڪستان جي خدمت ڪئي آهي، اسيمبلين ۾ بهترين نمائندن جي چونڊ تي علائقي جي عوام جو ٿورائتو آهيان ۽ انهن کي مبارڪباد ڏيان ٿو ۽ اميد آهي ته ايندڙ چونڊن ۾ به (ن) ليگ ڪامياب ٿيندي، جيڪڏهن ترقي جي ڳالهه ڪئي وڃي ته پوري ملڪ ۾ اها دعويٰ آهي ته ڪير به مسلم ليگ (ن) جو مقابلو نه ٿو ڪري سگهي، پاڪستان قائم ٿيڻ کانپوءِ کان وٺي 65 سالن جا ڪم هڪ طرف ۽ ميان نواز شريف جي تازي حڪومت جي 5 سالن جي اقتدار جي دور جا ڪم هڪ طرف آهي، هي اها ڪارڪردگي آهي جنهن کان اسان جا مخالف ڊنل آهن ۽ پورو ملڪ سمجهي ٿو ته ڪا سياسي پارٽي جيڪا ملڪ ۾ ترقي ڏئي سگهي ٿي ته اها رڳو مسلم ليگ (ن) آهي. نيشنل هاءِ وي جلال پور – پير والا کان اوچ شريف سيڪشن جي افتتاح کانپوءِ عوامي ميڙ کي خطاب ڪندي وزيراعظم شاهد خاقان عباسي چيو ته انشاءَ الله ايندڙ چونڊن ۾ به مسلم ليگ (ن) ڪامياب ٿيندي.
