اسلام آباد – 15 مارچ (اي پي پي) پاڪ بحريه جي سربراهه ايڊمرل ظفر محمود عباسي، سعودي عرب جي سرڪاري دوري دوران ڪمانڊر رائل سعودي بارڊر گارڊ، وائيس ايڊمرل عواد عيدال بلاوي ۽ ايسٽرن فليٽ ڪمانڊر، ريئر ايڊمرل فهد علي ال فُريدان سان ملاقاتون ڪيون. پاڪ بحريه جي ترجمان موجب ڪمانڊر رائل سعودي بارڊر گارڊ سان ملاقات دوران گڏيل دلچسپي جي پيشيوراڻي معاملن تي خيالن جي ڏي وٺ ڪئي وئي، پاڪ بحريه جي سربراهه دهشتگردي جي خلاف جنگ ۾ پاڪستان جي عزم ۽ ڪردار خاص طور تي هندي سمنڊ ۾ امن ۽ استحڪام جي سلسلي ۾ پاڪ بحريه جي طرفان ڪيل ڪوششن تي روشني وڌي.
