اسلام آباد – 21 مارچ (اي پي پي) وزيراعظم شاهد خاقان عباسي افغانستان سان مختلف شعبن ۾ ٻه طرفي فائدي تي مشتمل سرگرمين ۾ تعاون جي فروغ لاءِ پاڪستاني خواهش جو اظهار ڪيو آهي، وزيراعظم ڪابل ۾ هڪ مزار جي ويجهو خودڪش حملي جي شديد مذمت ڪئي آهي جنهن ۾ ڪيتريون ئي انساني جانيون ضايع ۽ ڪيترائي زخمي ٿي ويا. جاري بيان موجب وزيراعظم شاهد خاقان عباسي اها ڳالهه پاڪستان ۾ افغانستان جي سفير حضرت عمر زاخيل وال سان ڳالهائيندي چئي جنهن هتي وزيراعظم آفيس ۾ ساڻس ملاقات ڪئي.