اسلام آباد – 12 مارچ (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته محمد نواز شريف هن مرحلي تي به نه ته خريد ۽ وڪرو ڪيو ۽ نه ئي خريد ۽ وڪرو ٿيڻ ڏنو اها سندس نظريي ۽ موقف جي فتح آهي. هو پارليامينٽ هائوس ٻاهران صحافين سان ڳالهائي رهي هئي. مملڪتي وزير مريم اورنگزيب چيو ته سينيٽ جي اليڪشن ۾ اصلي جمهوريت جو نقلي جمهوريت، جمهوري ۽ غيرجمهوري عنصرن جو مقابلو هو پر جنهن وقت اصلي جمهوري ماڻهو انهن غيرجمهوري عنصرن ۽ امپائر جي آڱر تي ڌمال وجهڻ شروع ڪن ٿا ۽ اينٽ سان اينٽ وڄائين ٿا هي اهو تسلسل آهي جيڪو بلوچستان جي حڪومت کان شروع ٿيو ۽ پوءِ ان جي ويهڪ ڪراچي ۾ ٿي.
