لاهور – پهرين مارچ (اي پي پي) صدر ممنون حسين چيو آهي ته موجوده بحران مان نڪرڻ جو رستو اهو ئي آهي ته مسئلن جو گڏجي مقابلو ڪيو وڃي، درپيش چئلينجن کي قومي مفادن خاص طور تي ترقياتي عمل تي اثرانداز ٿيڻ جي اجازت نه ڏني وڃي، معاملن کي شفاف رکيو وڃي ۽ ڪنهن سان ڪنهن به سطح تي ناانصافي جو رستو بند ڪيو وڃي، قومي گهرجن موجب نئون تعليمي نصاب تمام جلد متعارف ڪرايو ويندو، ملڪ صحيح رخ ۾ هلي پيو آهي، ان لاءِ پاڪستان جي ترقي جو رستو ڪير به نه ٿو روڪي سگهي. صدر اهڙن خيالن جو اظهار گذريل ڏينهن هتي نظريه پاڪستان ٽرسٽ جي اهتمام هيٺ ڏهين سالياني ڪانفرنس کي خطاب دوران ڪيو.
