ڪراچي – 14 فيبروري (اي پي پي) پاڪ بحريه ۽ سعودي بحريه جي اسپيشل آپريشن فورسز جي وچ ۾ ڪراچي ۾ ٿيندڙ گڏيل سامونڊي مشق افعيٰ الساحل جو پهريون مرحلو پڄاڻي تي پهتو. جاري ڪيل پڌرائي موجب مشق جي پهرين مرحلي دوران زميني ۽ هاربر سرگرميون منعقد ڪيون ويون جڏهن ته ٻئي مرحلي ۾ بحري اسپيشل آپريشنز جي مشق کان ريهرسل ڪئي وئي. مشق افعيٰ الساحل جو مقصد ٻنهي سامونڊي فوجن جي وچ ۾ گڏيل آپريشنز ۽ دفاعي صلاحيتن کي هٿي ڏيڻ ۽ انساني اسمگلنگ، سامونڊي ڌاڙيلن ۽ دهشتگردي جهڙن مختلف ميري ٽائيم خطرن کي منهن ڏيڻ آهي.
