ميانوالي – 10 فيبروري (اي پي پي) وزيراعظم شاهد خاقان عباسي چيو آهي ته پاڪستان جو مستقبل جمهوريت ۾ آهي، جمهوريت جو تسلسل برقرار رهندو ته ملڪ ترقي ڪندو، 2018 کانپوءِ به مسلم ليگ (ن) جي حڪومت قائم ٿيندي، موجوده حڪومت جي دور ۾ جيترا ڪم ٿيا آهن ايترا 65 سالن ۾ ناهن ٿيا، سينيٽ چونڊن ۾ سوديبازي ۽ ضمير فروشي ڪندڙ عوام جا نمائندا نه ٿا ٿي سگهن، جيڪي ماڻهو هارس ٽريڊنگ ۾ ملوث هوندا انهن کي بي نقاب ڪنداسين. هو ميانوالي جي تعلقي عيسيٰ خيل ۾ گئس فراهمي جي منصوبي جي افتتاح کانپوءِ عوامي ميڙ کي خطاب ڪري رهيو هو. ان موقعي تي اين اي 71 تان قومي اسيمبلي ميمبر عبيدالله خان شادي خيل پڻ خطاب ڪيو.
