اسلام آباد – 24 فيبروري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان جي ثقافت ۽ قومي ورثي جا محافظ آرٽسٽ آهن، عالمي سطح تي ملڪ جو مثبت تشخص اجاگر ڪرڻ ۾ فنڪارن جو اهم ڪردار هوندو آهي، ماضي ۾ اسان جي روشن روايتن ۽ قدارن کي تنگ نظري سان تبديل ڪرڻ جي ڪڌي راند کيڏي وئي، اسان جي ثقافت کي تباهه ڪيو ويو، ملڪ ۾ دهشتگردي جي ڪري پاڪستان جو عالمي تشخص متاثر ٿيو. هو پاڪستان نيشنل ڪائونسل آف آرٽس (پي اين سي اي) ۾ قومي آرٽسٽ ڪنوينشن جي افتتاحي تقريب کي خطاب ڪري رهي هئي.
