اسلام آباد – 09 فيبروري (اي پي پي) پاڪ بحريه جي سربراهه ايڊمرل ظفر محمود عباسي چيو آهي ته وڻڪاري جو مقصد ايندڙ نسل لاءِ بهتر ماحول جي فراهمي کي يقيني بڻائڻ آهي، هر شهري کي گهٽ ۾ گهٽ هڪ وڻ هڻڻ جو وچن ڪرڻو پوندو. هو نيول هيڊڪوارٽرز ۾ ٻوٽو هڻي بهار موسم جي وڻڪاري مهم 2018ع شروع ڪرڻ جي موقعي تي ڳالهائي رهيو هو. ان موقعي تي پاڪ بحريه جي سربراهه چيو ته وڻڪاري مهمن جي اهميت کي اجاگر ڪيو وڃي جيڪي اسان کي فطرت سان پنهنجي لاڳاپي کي وڌيڪ مضبوط بڻائڻ لاءِ اهم موقعا فراهم ڪن ٿيون.
