اسلام آباد – 21 فيبروري (اي پي پي) وزيراعظم شاهد خاقان عباسي ترڪمانستان ۽ افغانستان جي صدرن جي دعوت تي 22 کان 23 فيبروري تي ترڪمانستان ۽ افغانستان جو سرڪاري دورو ڪندو جنهن دوران هو ترڪمانستان – افغانستان – پاڪستان – ڀارت (تاپي) گئس پائيپ لائين منصوبي، بجلي ٽرانسميشن لائينن ۽ فائبر آپٽڪس جي پيڙهه جو پٿر (لنڪ اپ) تقريبن ۾ شرڪت ڪندو. توانائي وارو مملڪتي وزير ڄام ڪمال خان پڻ ساڻس گڏ هوندو. پرڏيهي آفيس پاران جاري بيان موجب پيڙهه جو پٿر رکڻ وارين تقريبن ۾ وزيراعظم شاهد خاقان عباسي، ترڪمانستان جو صدر قربان علي ملڪگولوچ بردي محمدوف، افغان صدر اشرف غني ۽ ڀارت جو پرڏيهي معاملن وارو مملڪتي وزير ايم جي اڪبر گڏيل طور تي شرڪت ڪندا.