اسلام آباد – 19 فيبروري (اي پي پي) وزيراعظم شاهد خاقان عباسي سان جمهوريه آذربائيجان جي ناڻي واري وزير سمير شريووف ملاقات ڪئي. هن وزيراعظم کي آذربائيجان جي صدر پاران خصوصي پيغام پهچايو جنهن ۾ ايڪسپو 2025ع ۽ ورلڊ بئنڪ ڪانفرنس 2021ع منعقد ڪرڻ جي لاءِ آذربائيجان جي ميزباني جي حمايت جي درخواست ڪئي وئي. وزيراعظم شاهد خاقان عباسي ان سلسلي ۾ آذربائيجان جي ميزباني جي حمايت ڪرڻ جي خاطري ڪرائي. ملاقات ۾ گڏيل دلچسپي جي مختلف شعبن خاص طور تي توانائي ۽ زرعي شعبي ۾ تعاون جي امڪانن ۽ ٻطرفي واپار کي وڌائڻ جي طريقن تي پڻ خيالن جي ڏي وٺ ڪئي وئي.
