اسلام آباد – 06 فيبروري (اي پي پي) وفاقي ڪابينا جو اجلاس وزيراعظم شاهد خاقان عباسي جي صدارت ۾ ٿيو جنهن ۾ مختلف معاهدن ۽ مفاهمت جي ياداشتن جي منظوري ڏني وئي. اجلاس ۾ حڪومت تاجڪستان جي ريڊيو ۽ ٽيليويزن جي ڪميٽي ۽ اطلاعات، نشريات ۽ قومي ورثي پاڪستان واري وزارت جي وچ ۾ تعاون جي لاءِ مفاهمت جي ياداشت تي صحيحن جي منظوري ڏني وئي. اجلاس دوران پاڪستان حڪومت ۽ سلطنت اومان جي وچ ۾ ليبر ۽ ٽريننگ جي شعبي ۾ تعاون جي لاءِ پڻ مفاهمت جي ياداشت تي صحيحن جي منظوري ڏني وئي.
