اسلام آباد – 03 فيبروري (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته ثقافت ۽ اطلاعات جي شعبن ۾ پاڪ چين لاڳاپن سان ٻنهي ملڪن جي عوام جي وچ ۾ رشتا وڌيڪ مستحڪم ٿيندا، سي پيڪ نه رڳو اقتصادي ۽ انفراسٽرڪچر جي ترقي جو ذريعو آهي پر اهو منصوبو آرٽ، ثقافت ۽ ورثي جي شعبن ۾ تعاون جون نيون راهون کوليندو، آرٽ ۽ ثقافت جو فروغ حڪومت جي اولين ترجيحن ۾ شامل آهي، پاڪستان فلم انڊسٽري جي واڌويجهه ۾ چين جي تعاون جو خواهشمند آهي، ثقافتي معاهدن سان ٻنهي ملڪن جي وچ ۾ ثقافتي لاڳاپا وڌيڪ مضبوط ٿيندا. مملڪتي وزير مريم اورنگزيب اهو دورو چين جي ثقافت جي وزير لويو شو گانگ جي دعوت تي ڪري رهي آهي.
