سلام آباد – 15 فيبروري (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته اي سي ايل ۾ انهن ماڻهن جا نالا وڌا وڃن ٿا جيڪي مفرور هوندا آهن، جيڪي عدالت ۾ ڏينهن ۾ ٻه ٻه ڀيرا ۽ هفتي ۾ ٽي ٽي ڀيرا پيش ٿي رهيا آهن انهن جو نالو اي سي ايل ۾ وجهڻ جو ڪهڙو جواز آهي. اڳوڻي وزيراعظم محمد نواز شريف جي پيشي جي موقعي تي احتساب عدالت ٻاهران صحافين سان ڳالهائيندي هن چيو ته جڏهن اڳوڻو وزيراعظم محمد نواز شريف ۽ سندس خاندان عدالتن ۾ پيش ٿي رهيا هجن ته انهن جا نالا اي سي ايل ۾ ڇو وڌا وڃن، اي سي ايل ۾ انهن ماڻهن جا نالا وڌا وڃن ٿا جيڪي مفرور هوندا آهن.