اسلام آباد – 16 فيبروري (اي پي پي) وزيراعظم شاهد خاقان عباسي چيو آهي ته اقتصادي ترقي سان باصلاحيت ماڻهن جي لاءِ نوان موقعا پيدا ڪرڻ ۽ ذهين ماڻهن جي ملڪ ڇڏڻ جي رجحان کي روڪڻ ۾ مدد ملندي. هن اها ڳالهه انسٽيٽيوٽ آف بزنس مئنيجمينٽ ڪراچي جي شاگردن جي وفد سان ڳالهائيندي چئي جنهن وزيراعظم آفيس جو دورو ڪيو. اهو دورو سڄي ملڪ مان مختلف تعليمي ادارن جي شاگردن کي وزيراعظم آفيس گهرائڻ جي قدمن جو تسلسل آهي. شاگردن کي حڪومت جي اعليٰ ترين آفيسن جي معاملن بابت آگاهه ڪيو ويو.