پاڪ بحريه جو ٻيڙو گڏيل مشقن ۾ شرڪت جي لاءِ سعودي عرب پهچي ويو

اسلام آباد – 10 فيبروري (اي پي پي) پاڪ بحريه جي 5 جهازن تي ٻڌل سامونڊي ٻيڙو نسيم البحر سيريز جي گڏيل مشقن ۾ شرڪت جي لاءِ سعودي عرب پهچي ويو آهي. پاڪ بحريه جي ترجمان پاران جاري بيان موجب پاڪ بحريه جا هيلي ڪاپٽرز ۽ ايئر ڪرافٽ پڻ انهن گڏيل مشقن ۾ حصو وٺندا. پاڪ بحريه جي ترجمان ٻڌايو ته اهي سامونڊي مشقون پاڪستان ۽ سعودي عرب جي وچ ۾ ٿيندڙ نسيم البحر سيريز جي 11 هين ۽ سعودي عرب ۾ ٿيندڙ پهريون گڏيل مشقون آهن.