پاڪستان ۽ سعودي عرب جي گڏيل سامونڊي مشق جو پهريون مرحلو پڄاڻي تي پهتو

اسلام آباد – 12 فيبروري (اي پي پي) پاڪستان ۽ سعودي عرب جي سامونڊي فوجن جي وچ ۾ بندرگاهه الجبيل سعودي عرب ۾ ٿيندڙ گڏيل سامونڊي مشق نسيم البحر اليون جو پهريون مرحلو پڄاڻي تي پهتو. مشق جو پهريون مرحلو سامونڊي آپريشنز جي مختلف حصن ۾ هم آنگي پيدا ڪرڻ جي لاءِ هاربر جي سرگرمين جي سلسلي تي ٻڌل هو. هاربر فيئر ۾ ٻنهي ملڪن جي سامونڊي فوجن جي وچ ۾ مشق جي سي فيز جي دوران ڪيل گڏيل آپريشنز جي منصوبابندي ڪئي وئي. شروعاتي مرحلي دوران پاڪ بحريه ۽ سعودي بحريه جي جهازن ۽ بندرگاهه تي مختلف ٺڪاڻن تي ڪيتريون ئي تربيتي سرگرميون ڪيون ويون.