اسلامي دنيا جي ترقي لاءِ لائق ۽ ذهين سائنسدانن جي ضرورت آهي: صدر

اسلام آباد – 12 فيبروري (اي پي پي) صدر ممنون حسين چيو آهي ته اسلامي دنيا جي ترقي لاءِ لائق ۽ ذهين سائنسدانن جي ضرورت آهي ته جيئن اهي زندگي جي مختلف شعبن ۾ تحقيق کي هٿي ڏئي حقيقي ترقي کي يقيني بڻائين، ان سلسلي ۾ ڪامسٽيڪ قدر جوڳو ڪردار ادا ڪري رهي آهي. اها ڳالهه هن او آءِ سي جي سائنس اينڊ ٽيڪنالاجي اسٽيڊنگ ڪميٽي (ڪامسٽيڪ) جي اجلاس کي خطاب ڪندي چئي جيڪو سندس صدارت ۾ ايوان صدر ۾ ٿيو.