اسحاق ڊار جا نامزدگي ڪاغذ بي بنياد سبب جي ڪري رد ڪيا ويا: مريم اورنگزيب

اسلام آباد – 12 فيبروري (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته اسحاق ڊار جا نامزدگي ڪاغذ بي بنياد سبب جي ڪري رد ڪيا ويا، فني اعتراضن جي بنياد تي اسحاق ڊار جي نامزدگي ڪاغذن کي رد ڪرڻ کي قانوني طور تي صحيح نه ٿا سمجهون، اسحاق ڊار قائد محمد نواز شريف جو سپاهي آهي، هر فورم تي ڄمي مقابلو ڪندو، اسحاق ان فيصلي جي خلاف اپيل ۾ وڃڻ جو فيصلو ڪيو آهي. پنهنجي بيان ۾ مملڪتي وزير مريم اورنگزيب چيو ته اسحاق ڊار ملڪ ۽ قوم جي لاءِ اڻٿڪ ڪم ڪيو، سندس ڪوششن کي نه رڳو پاڪستان پر پوري دنيا ۾ ساراهيو ويو.