اسلام آباد – 15 جنوري (اي پي پي) وزيراعظم شاهد خاقان عباسي چيو آهي ته اٽڪل 5.5 سيڪڙو واڌويجهه جي شرح سان ترقي ڪندڙ پاڪستاني معيشت، چرپر ۽ ٽرانسپورٽ سميت مختلف شعبن ۾ وسيع ڪاروباري موقعا پيش ڪري ٿي، پاڪ چين اقتصادي لنگهه نه رڳو پاڪستان پر پوري خطي لاءِ اقتصادي موقعن جون نيون راهون کوليون آهن جنهن کي گڏيل فائدا حاصل ڪرڻ لاءِ استعمال ۾ آڻڻ گهرجي. هن اها ڳالهه انٽرنيشنل فيڊريشن آف فريٽ فارورڊز ايسوسيئيشن (ايف آءِ اي ٽي اي) جي وفد سان ڳالهائيندي چئي جنهن پنهنجي صدر بابر بادات جي سربراهي ۾ وزيراعظم آفس ۾ ساڻس ملاقات ڪئي.
