اسلام آباد – 16 جنوري (اي پي پي) صدر ممنون حسين چيو آهي ته پاڪستان ترڪمانستان سان دوستي کي تمام گهڻي اهميت ڏئي ٿو ۽ ٻئي ملڪ عالمي فورمن تي هڪٻئي جو ساٿ ڏيندا آهن. هن اها ڳالهه پاڪستان جي دوري تي آيل ترڪمانستان جي پرڏيهي وزير راشد ميريدوف سان ڳالهائيندي چئي جنهن ساڻس ايوان صدر ۾ ملاقات ڪئي. صدر چيو ته تاپي گئس پراجيڪٽ صرف هڪ گئس پائيپ لائين منصوبو ناهي پر مختلف ملڪن جي هڪ راهداري آهي جنهن جو ڪريڊٽ صدر قربان علي بردي محمدوف ڏانهن وڃي ٿو ۽ اسان جي خواهش آهي ته هي منصوبو جلد کان جلد شروع ٿئي.