اسلام آباد – 11 جنوري (اي پي پي) صدر ممنون حسين پاليسين ۾ تسلسل جي ذريعي قومي آمدني ۽ ترقي جي رفتار ۾ وڌيڪ اضافي جي ضرورت تي زور ڏيندي چيو آهي ته ان سلسلي ۾ پاڪستان جي صنعتي ۽ واپاري برادري سميت سمورن طبقن کي پنهنجي پنهنجي حصي جو ڪردار ادا ڪرڻ گهرجي، گذريل ڪجهه سالن دوران قومي پيداوار ۾ شاندار اضافو ٿيو آهي جنهن سان معيشت بهتر ٿي. هن اها ڳالهه راولپنڊي چيمبرز آف ڪامرس اينڊ انڊسٽري جي وفد سان ڳالهائيندي چئي جنهن چيمبر جي صدر زاهد لطيف خان جي قيادت ۾ ساڻس ملاقات ڪئي. ان موقعي تي ايوان صدر ۽ واپار واري وزارت جا اعليٰ عملدار موجود هئا.
