اسلام آباد – 16 جنوري (اي پي پي) سينيٽ ۾ قائدايوان راجا محمد ظفر الحق چيو آهي ته اڄ وقت ثابت ڪري ڇڏيو آهي ته نائين اليون کانپوءِ پاڪستان کي ڪنهن ٻي جي جنگ ۾ ڌڪڻ تمام غلط فيصلو هو ان جا اثر اڃا تائين ڀوڳي رهيا آهيون، ان فيصلي جي خلاف قوم ٻن حصن ۾ ورهائجي وئي هئي، اڪثريت ان کي غلط قرار ڏنو، اولهه اسرائيل جو اثر رسوخ وڌائي رهيو آهي ان جو ٽوڙ تمام گهڻو لازمي آهي، پيغام پاڪستان کي ڪامياب بڻائڻ جي لاءِ گهٽي، چوڪن، مسجدن ۾ کڻي وڃڻو پوندو. هو ايوان صدر ۾ تشدد، انتهاپسندي، دهشتگردي جي خلاف متفقه قومي بياني ”پيغام پاڪستان“ جي مهورتي تقريب کي خطاب ڪري رهيو هو، تقريب جي صدارت صدر ممنون حسين ڪئي جڏهن ته تقريب ۾ اعزازي مهمان پرڏيهي وزير خواجه محمد آصف ۽ خاص مهمان گهرو وزير احسن اقبال هو.
