اسلام آباد – 05 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران صاحب جي اڄوڪي پريس ڪانفرنس هڪ نامعلوم نجومي جي هدايت تي هئي، عمران صاحب پاڻ ذهني طور تي مفلوج آهي ۽ نامعلوم نجومي جي ڪٺ پتلي بڻيل آهي، اڄ سامهون اچي ويو ته عمران ڪنهن جي آڱر ۽ اشاري تي پاڪستان جي ترقي روڪي رهيو هو. پنهنجي بيان ۾ مملڪتي وزير مريم اورنگزيب چيو آهي ته عمران صاحب جڏهن مشرف پاڪستانين کي آمريڪي ڊالرز جي عيوض وڪڻي رهيو هو ته توهان ان سان گڏ بيٺل هئا، توهان نائين اليون تي مشرف جي پاليسي جي حمايت جو جواب ڏيو.
