اسلام آباد – 22 جنوري (اي پي پي) صدر ممنون حسين سعودي شاهي بحريه جي ڪمانڊر وائيس ايڊمرل فهد بن عبدالله الغفيلي کي نشان امتياز ملٽري عطا ڪري ڇڏيو، ان موقعي تي هن چيو ته پاڪستان ۽ سعودي عرب هڪ ٻئي جا ويجها دوست آهن جنهن جي رشتي جي گهرائي لفظن ۾ بيان ڪرڻ مشڪل آهي. پريس رليز موجب اعزاز عطا ڪرڻ جي خصوصي تقريب ۾ پاڪ بحريه جي سربراهه ايڊمرل ظفر محمود عباسي، سعودي سفير نواف المالڪي ۽ ٻيا اعليٰ سول ۽ فوجي عملدار به وڏي تعداد ۾ شريڪ هئا.
