اسلام آباد – 31 جنوري (اي پي پي) وزيراعظم شاهد خاقان عباسي تعليم جي فروغ لاءِ حڪومتي عزم کي ورجائيندي چيو آهي ته انساني وسيلن جي ترقي کانسواءِ ڪو به معاشرو ترقي نٿو ڪري سگهي جڏهن ته دهشتگردي، انتهاپسندي سميت ٻين مختلف براين کان تحفظ فراهم ڪرڻ ۾ به تعليم مددگار ثابت ٿيندي آهي، بينظير انڪم سپورٽ پروگرام جي ”وسيله تعليم“ پروگرام کي 50 ضلعن تائين وڌائڻ اطمينان جوڳو آهي. هن اها ڳالهه بينظير انڪم سپورٽ پروگرام (بي آءِ ايس پي) جي انتطام هيٺ وزيراعظم وسيله تعليم پروگرام کي وڌائڻ واري تقريب کي خطاب ڪندي چئي.
