وزيراعظم شاهد خاقان عباسي جي صدارت ۾ وفاقي ڪابينا جو اجلاس

اسلام آباد – 03 جنوري (اي پي پي) وزيراعظم شاهد خاقان عباسي جي صدارت ۾ وفاقي ڪابينا جو اجلاس وزيراعظم آفيس ۾ ٿيو، جنهن ۾ پرڏيهي وزير خواجه محمد آصف ڪابينا کي آمريڪي قيادت جي تازن بيانن جي پس منظر ۽ گذريل ڏينهن ڪابينا جي قومي سلامتي ڪميٽي جي 17 هين اجلاس ۾ ٿيندڙ خيالن جي ڏي وٺ بابت آگاهه ڪيو. وفاقي ڪابينا قومي سلامتي ڪميٽي جي موقف جي متفقه طور تي تائيد ڪئي جنهن گذريل ڏينهن پنهنجي 17 هين اجلاس ۾ آمريڪي قيادت جي تازن بيانن تي گهري مايوسي جو اظهار ڪيو هو.