ڪراچي – 10 ڊسمبر (اي پي پي) صدر ممنون حسين چيو آهي ته پاڪستان جي پٺتي پيل علائقن ۾ هڪ ئي قسم جي مرضن جو بار بار پکڙجڻ ڳڻتي جوڳو آهي، طبي ماهر انهن علائقن ۾ حفظان صحت، معمولي مرضن جي علاج ۽ ٻار ۽ ماءُ جي مسئلن کي منهن ڏيڻ جي آسان طريقن کي هٿي وٺرائي انهن مسئلن تي ضابطو آڻڻ ۾ مدد ڏئي سگهن ٿا، ڊاڪٽرن ۾ هڙتال ڪلچر جو فروغ مناسب نه آهي، ڊاڪٽر ان کان پاسو ڪن ڇو ته انهن کي انسانيت جي خدمت لاءِ تعليم ڏني وئي آهي. صدر اها ڳالهه ڪراچي ۾ جناح سنڌ ميڊيڪل يونيورسٽي جي پهرين ڪانووڪيشن کي خطاب ڪندي چئي.
