اسلام آباد – 07 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته ووٽ جي طاقت ملڪ کي آئين، پاڪ چين اقتصادي راهداري، موٽر ويز ڏنا ۽ ملڪ کي ايٽمي طاقت بڻايو، ووٽ سان جمهوريت مضبوط ٿي آمريت جو خاتمو ڪندي آهي، 2018ع ۾ پاڪستان جي اندر جمهوريت جا 10 سال پورا ٿي ويندا. پاڪستان انسٽيٽيوٽ آف پارليامينٽري سروسز (پيپس) ۾ ووٽرز ڊي سيمينار کي خطاب ڪندي مملڪتي وزير مريم اورنگزيب چيو ته هن وقت ملڪ جي اندر رجسٽرڊ ووٽرن جو تعداد 97 ملين آهي، ووٽرز ڊي جي حوالي سان مهم سان وڌيڪ ووٽ داخل ٿي سگهن ٿا، هن چيو ته ووٽ رجسٽرڊ ڪرائڻ کانپوءِ چونڊن ۾ راءِ حق جي ذريعي ئي پنهنجي مرضي موجب ڪارڪردگي جي بنياد تي حڪمرانن جي چونڊ ممڪن آهي.
