اسلام آباد – 17 ڊسمبر (اي پي پي) وزيراعظم شاهد خاقان عباسي ڪوئيٽا ۾ گرجا گهر تي حملي جي سخت مذمت ڪندي چيو آهي ته دهشتگردي جي خلاف جنگ ۾ پوري قوم متحد ۽ ان لعنت جي مقابلي لاءِ پرعزم آهي. جاري بيان ۾ وزيراعظم وقت سر ڪارروائي تي سيڪيورٽي ادارن جي ڪارڪردگي کي ساراهيو. وزيراعظم چيو ته ڪوئيٽا ۾ گرجا گهر تي حملو مذمت جوڳو آهي، دهشتگردي جي خلاف جنگ ۾ پوري قوم متحد ۽ اسان ان لعنت جو مقابلو ڪرڻ جي لاءِ پرعزم آهيون.
