اسلام آباد – 05 ڊسمبر (اي پي پي) وزيراعظم شاهد خاقان عباسي جي صدارت ۾ وفاقي ڪابينا جو اجلاس ٿيو. وفاقي ڪابينا اڳوڻي وزيراعظم محمد نواز شريف، توانائي واري وزارت ۽ توانائي بابت ڪابينا ڪميٽي پاران ڪيل ڪوششن کي ساراهيو جن جي نتيجي ۾ ملڪ ۾ طلب کان وڌيڪ بجلي جي پيداوار جو سنگ ميل عبور ڪرڻ ممڪن ٿيو. وزيراعظم شاهد خاقان عباسي وفاقي ڪابينا جي اجلاس کي خطاب ڪندي چيو ته حڪومت ملڪ ۾ توانائي جي کوٽ جي ڏس ۾ عوام کي درپيش مشڪلاتن کان آگاهه آهي، حڪومت گهريلو ۽ صنعتي صارفين کي رليف جي فراهمي تي ڌيان ڏئي رهي آهي.
