اسلام آباد – 04 ڊسمبر (اي پي پي) وزيراعظم شاهد خاقان عباسي وفاقي گادي واري شهر کي نئين اسلام آباد انٽرنيشنل ايئرپورٽ سان ڳنڍڻ جي لاءِ ميٽرو بس سروس جي روڊ انفراسٽرڪچر ۽ لاڳاپيل ڪم جي جائزو وٺڻ لاءِ اجلاس جي صدارت ڪئي. نيشنل هاءِ وي اٿارٽي جي چيئرمين شاهد اشرف تارڙ وزيراعظم کي 25.6 ڪلوميٽر ڊگهي رستي جي تعمير بابت بريفنگ ڏني. هن ٻڌايو ته هي منصوبو 12 ارب رپين جي لاڳت سان مڪمل ڪيو پيو وڃي. وزيراعظم کي ٻڌايو ويو ته ان منصوبي تحت تعمير ٿيندڙ سمورين پلين ۽ انڊر پاسز جو ڪم مڪمل ٿيڻ جي ويجهو آهي ۽ هلندڙ مهيني جي آخر تائين مڪمل ٿي ويندو.
