اسلام آباد – 15 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته هڪ قانون جا ٻه پلڙا نٿا ٿي سگهن، سپريم ڪورٽ جي فيصلي سان پانامه ڪيس واري معيار جي نفي ٿي وئي، فيصلي تي وڌيڪ حيراني ناهي ٿي. ميڊيا سان ڳالهائيندي مريم اورنگزيب چيو ته پاڪستان تحريڪ انصاف ۽ ان جو سربراهه غير ملڪين کان پئسا وٺي پاڪستان جي اندر سياسي پارٽي هلائي رهيو آهي، ان بابت فيصلو اڃان ناهي آيو، ان ڏس ۾ پاڪستان تحريڪ انصاف کي سياسي پارٽي طور اليڪشن ڪميشن ڏانهن موڪليو ويو آهي ته ان پارٽي جي ڪاغذن ۾ غير ملڪين جو پئسو آهي ان جي جاچ ڪئي وڃي.