اسلام آباد – 27 ڊسمبر (اي پي پي) وزيراعظم شاهد خاقان عباسي چيو آهي ته مسلم ليگ (ن) جي حڪومت رڳو ڳالهيون ناهي ڪندي، مشڪلاتن،گارين ۽ ڌرڻن جي باوجود ڪم ڪري ڏيکاريو، 66 سالن ۾ ايترا رستا نه ٺهيا جيترا گذريل ساڍا چئن سالن ۾، 2030ع تائين پاڪستان کي بجلي جي پيداوار ۾ پاڻڀيرو ڪري ڇڏيو، سياست جا فيصلا عدالتن ۾ ناهن هوندا، انتشار ۽ عدم استحڪام سان ملڪ کي نقصان ٿيو، اليڪشن پنهنجي وقت تي ٿينديون، شيروانيون سبرائي غير چونڊيل حڪومت جو حصو بڻجڻ ۽ راتاهو هڻڻ جي خواهش رکندڙن کي ناڪامي ٿيندي، اسان عدالت جا فيصلا قبول ڪيا، هزاره موٽر وي جو افتتاح جو حق نواز شريف جو هو، جولائي 2018ع ۾ عوام اسان کي ووٽ ڏئي ٻيهر چونڊيندي.
