اسلام آباد – 13 ڊسمبر (اي پي پي) اطلاعات ۽ نشريات واري مملڪتي وزير مريم اورنگزيب وزيراعظم شاهد خاقان عباسي پاران تڪبندين بابت پاڪستان پيپلزپارٽي جي پيش ڪيل 11 تجويزن کي رد ڪرڻ بابت خبرن جي سختي سان ترديد ڪندي چيو آهي ته حڪومت مشاورت جي جمهوري اصول تي يقين رکي ٿي ۽ پارليامينٽ ۾ موجود سمورين ڌرين جي تجويزن کي احترام جي نظر سان ڏسي ٿي، تڪبندين تي قانونسازي هڪ اهم آئيني ۽ جمهوري گهرج آهي ۽ حڪومت آئيني، پارلياماني ۽ جمهوري روايتن موجب ان معاملي تي اڳڀرائي جي لاءِ ڪاربند آهي.