اسلام آباد – 12 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب اتر وزيرستان ۾ سيڪيورٽي فورسز جي گاڏي تي دهشتگردن جي حملي جي شديد مذمت ڪندي چيو آهي ته دهشتگرد اهڙين ڪاررواين سان دهشتگردي جي خلاف قوم جي عزم کي ڪمزور نٿا ڪري سگهن. پنهنجي تعزيتي پيغام ۾ مملڪتي وزير مريم اورنگزيب چيو ته هر پاڪستاني دهشتگردي جي خلاف جنگ جو سپاهي آهي، پاڪستاني فوج سان ڪلهي ۾ ڪلهو ملائي دهشتگردي جو صفايو ڪنداسين.
