اسلام آباد – 15 ڊسمبر (اي پي پي) صدر ممنون حسين چيو آهي ته قائداعظم جي نصيحت موجب قوم جا سمورا طبقا قانون ۽ ”رولز آف دي گيم“ جو احترام ڪن ۽ سمورا مسئلا ۽ اختلاف حب الوطني ۽ خير خواهي جي جذبي ۽ نيڪ نيتي ۽ اتحاد سان گڏ ڪن. هن اها ڳالهه باباءِ قوم قائداعظم محمد علي جناح جي سالگرهه جي حوالي سان ايوان صدر ۾ منعقد ٿيندڙ هڪ خصوصي تقريب کي خطاب ڪندي چئي. ان موقعي تي هائير ايجوڪيشن ڪميشن جو چيئرمين ڊاڪٽر مختار احمد، مشهور ترڪ اسڪالر ۽ يونس ايمري انسٽيٽيوٽ ترڪي جي ڊائريڪٽر پروفيسر ڊاڪٽر خليل طوقار ۽ مشهور اديب ۽ دانشور پروفيسر ڊاڪٽر طاهر مسعود به خطاب ڪيو.
