اسلام آباد – 16 ڊسمبر (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته آرمي پبلڪ اسڪول سانحي جي ٻارن جي شهادت جي ڏينهن پوري قوم دهشتگردي جي خلاف متحد ٿي. اهڙن خيالن جو اظهار هن پمز اسپتال ۽ نيشنل پريس ڪلب جي وچ ۾ مفاهمتي ياداشت تحت اهليتي صحت ڪارڊ جاري ڪرڻ واري تقريب کي خطاب ڪندي ڪيو جنهن سان نيشنل پريس ڪلب جي 2800 ميمبرن کي پمز ۾ اهليت (انٽائٽلمينٽ) جي بنياد تي علاج جي سهولت جو حق حاصل هوندو. مملڪتي وزير پنهنجي خطاب کان اڳ اي پي ايس سانحي جي شهيدن جي لاءِ دعا ڪرائي.
